Nola metal
album asko epilogo baretsu batekin bukatzen diren? Ba epilogoz betetako
diskoa dugu hau. Etsipenik sentitu dugunik ez dugu esango, baina penatxoa
sentitu dugu barnean diskoa entzutean. Ez eskasa delako, oso desberdina den
zerbait espero ganuelako baizik. Izan
ere, abesti atmosferikoek osatzen duten lana dugu Pursuit of a Higher
Throne hau. Factory of Dreams bikoteportugaldarraren
eta Virgin Black talde australiarren arteko nahasketa
bat.
Ez dago metal doinuen arrastorik; proiektu
sinfonikoa da MY Eternal, eta Melissa Ferlaak metalaren
erreginetako bat abeslari badu ere, ez dauka Aesma Daeva edo Visions
of Atlantisekin zer ikusirik. Eta
gauzak horrela, ikuspuntua aldatu beharko dugu bidezko iruzkin bat egiteko. Alabaina,
ezin guztiz objetiboak izan.
Sarrera-abesti
batekin hasten da diskoa. Oso lasaia; baina hala izaten dira prologoak
askotan. Melissaren ahots lirikoak entzun daitezke, eta zirraratsu
uzten dugu entzulea gehiagoren eske; lan eder baten esperoan. Eta hara, Dreams dator
jarraian, lehen abesti luzea. Zer esango dizuegu, beherakada itzela sentitu
dugu kantua entzutean. Prologoak promes egiten zuena ez du aurkituko entzuleak.
Kontrara, kantu lasai, nahiko ilun eta anbientala; chill out antzeko bat. Melissa
Ferlaaken ibilbidea jarraitu duenarentzat, arraroa oso.
Dreamsek aurkezten
du benetan Pursuit of a Higher Throne diskoaren muina: bake
lasaigarri bat sentiarazten duen disko atmosferikoa. Ahotsak bikainak dira, eta
tarteka entzun daiteke doinu lirikoren bat, baina ezer gehiagorik
ez. Pianoren bat, eta doinu sintetiko anitz. Azken bi abestiek, Les
flammes d'une passionek eta Absent Horizonek, egoera hobe
dezaketen arren (izaera handiagokoak baitira), ahula da lana orokorrean.
Meditazioa
gustuko duen entzuleak asko disfrutatuko duen diskoa da bikotearen lehen lan
hau, eta gainera, Melissaren jarraitzaileek ere beronen ahots
bikaina gozatzeko aukera berri bat baita. Beste guztiontzat, hutsegite bat, metal disko bat baino
pelikuletako soundtrack bat.
- Abestirik onena/ Best song: Absent Horizon
-
Puntuazioa/ Rating: 7/10
